Ո՞Ր ՊՏՈՒՂՆԵՐԸ ՈՒՏԵԼ ՇԱՔԱՐԱԽՏԻ ՊԱՐԱԳԱՅԻՆ

Շաքարախտէ տառապողները պարտաւոր են հետեւելու յատուկ սննդականոնի` արեան մէջ շաքարի մակարդակին կործանարար վերիվայրումներէն խուսափելու համար:

Անոնք ստիպուած են հրաժարելու որոշ պտուղներէ, սակայն կան նաեւ այնպիսի պտուղներ, որոնց glycemic indexի համեմատութիւնը ցած է եւ շատ օգտակար են շաքարախտի պարագային:

Ստորեւ կը ներկայացնենք այն պտուղները, որոնք անպայման պէտք է ներառնել շաքարախտէ տառապողներու սննդականոնին մէջ:

Նուռ

Նուռը կը նուազեցնէ սրտանօթային հիւանդութիւններու զարգացման հաւանականութիւնը, յատկապէս տարեցներու մօտ: Նուռը կը պարունակէ antioxidantներ, որոնք կը պաշտպանեն արիւնատար անօթներու ներքին թաղանթը:

Տանձ

Տանձը ունի glycemic indexի շատ ցած համեմատութիւն, հետեւաբար սքանչելի սնունդ է շաքարախտէ տառապողներու համար: Տակաւին, անիկա հարուստ է մակնիզիումով, երկաթով, կալսիումով, ինչպէս նաեւ՝ С, Е ու К կենսանիւթերով:

Դեղձ

Դեղձը կը պարունակէ մեծ քանակութեամբ մանրաթելեր (fiber), փոթասիում եւ A ու C կեն-սանիւթեր: Glycemic index համեմատութիւնը նաեւ բաւական ցած է դեղձին մէջ:

Քանթալուփ (cantaloupe – սեխի տեսակ)

Սեխի այս տեսակը շատ օգտակար է շաքարախտի պարագային: Անիկա հարուստ է փոթասիումով, որ կը նպաստէ զարկերակային ճնշումի կարգաւորման եւ կը նուազեցնէ սրտանօթային հիւանդութիւններու զարգացման հաւանականութիւնը: Քանթալուփը  հարուստ է նաեւ վիթամին C-ով ու beta-caroteneով:

Խնձոր

Մանրաթելերով հարուստ այս պտուղը կը պարունակէ նաեւ փեքթին (pectin), որ շատ կարեւոր է շաքարախտէ տառապողներուն համար, որովհետեւ կ՚օգնէ վերահսկողութեան տակ պահելու արեան մէջ շաքարի մակարդակը: Տակաւին, այս պտուղը հարուտս է quercetinով, որ կը խթանէ ինսուլինի արտադրութիւնը:

Պանան

Կը պարունակէ մեծ քանակութեամբ փոթասիում եւ մակնիզիում, որոնք կը նպաստեն զարկերակային ճնշումի կարգաւորման եւ առհասարակ շատ օգտակար են սրտամկանին համար: Պանանը ունի կուշտ պահելու յատկութիւն` կանխելով այլ ուտելիքներու գործածութիւնը, հետեւաբար անիկա հիանալի սնունդ է շաքարախտէ տառապողներուն համար:

Մանկօ

Մանկօն հարուստ է շարք մը օգտակար նիւթերով, ինչպէս C եւ A կենսանիւթերով եւ folate-ով: Այս կարեւոր տարրերուն շնորհիւ անիկա զգալիօրէն կը բարելաւէ շաքարախտէ տառապողներուն ինքնազգացողութիւնը:

Քիուի

Քիուին մէջ գտնուող վիթամին C-ն եւ փոթասիումը կ՚օգնեն բարելաւելու մարմնի դիմադրողական եւ սրտանօթային համակարգերուն աշխատանքը, հետեւաբար, այս պտուղը պէտք է անպայման ներառուի շաքարախտէ տառապողներու սննդականոնին մէջ:

Աւոքատօ

Աւոքատոն հարուստ է monounsaturated ճարպերով, որոնք հակաբորբոքային ազդեցութիւն ունին: Միւս կողմէ, այս պտուղը գրեթէ շաքար չի պարունակեր, ուստի օգտակար է ո՛չ միայն շաքարախտէ տառապողնե-րուն, այլեւ նիհարնալ փափաքողներուն համար:

Նարինջ

Այս պտուղին օգնութեամբ կարելի է օրգանիզմը յագեցնել վիթամին C-ի օրական չափաբաժինով: Անիկա ունի շատ ցած ջերմուժ եւ glycemic index, հետեւաբար հիւանդները կրնան գրեթէ անսահմանափակ քանակութեամբ նարինջ ուտել: Նարինջ կը պարունակէ նաեւ փոթասիում եւ folate, որոնք կը կանոնաւորեն զարկերակային ճնշումը:

Թուրինջ

Թուրինջը կը պարունակէ վիթամին C: Օժտուած է նաեւ արեան մէջ շաքարի մակարդակը կարգաւորելու յատկութեամբ, հետեւաբար շատ օգտակար է շաքարախտի պարագային:

 

ԹԱՐԳՄԱՆԵՑ ՆԱՐԷ ԳԱԼՄԳԵՐԵԱՆ