Ճարպակալումը կը խանգարէ աղիքներու եւ ուղեղի աշխատանքը՝ նպաստելով մտատանջութեան
Ճորճիայի համալսարանէն ամերիկացի գիտնականներ անսպասելի կապ յայտնաբերած են ճարպակալումի եւ մտատանջութեան հետ կապուած վարքագիծի միջեւ: Մուկերու վրայ կատարուած փորձերը ցոյց տուած են, որ ճարպերով հարուստ սննդականոնը ոչ միայն կը յանգեցնէ կշիռքի բարձրացման, այլ նաեւ կը փոխէ ուղեղի աշխուժութիւնը եւ աղիքային մանրէներու կազմը: Արդիւնքները ներկայացուած են Օլլանտոյի մէջ կայացած Սնունդի Ամերիկեան Ընկերութեան (ASN) համաժողովին: Փորձարկումներուն ընթացքին…
