Author Archives: way2godigital way2godigital

Արհեստական բանականութիւնը կը յայտնաբերէ կենսաբանական վաղ «բեկումնային կէտեր»՝ հիւանդութեան կանխատեսման համար՝ նախքան ախտանշաններու ի յայտ գալը

Նոր խմբագրական մը կը նշէ, որ բժշկական արհեստական բանականութեան ապագան կը կայանայ ոչ միայն հիւանդութիւնները ի յայտ գալէն ետք ախտորոշելուն մէջ, այլ նաեւ՝ կանուխ փուլին նուրբ կենսաբանական փոփոխութիւններու յայտնաբերման մէջ՝ նախքան ախտանշաններու զարգացումը։ Intelligent Medicine-ին մէջ հրապարակուած յօդուածը, որ պատրաստուած է Չինաստանի առաջատար հաստատութիւններու հետազօտողներու կողմէ, կը շեշտէ բժշկական տուեալներու «տինամիք» փոփոխութիւններու վերլուծութեան կարեւորութիւնը։ «Կենոմ»-ային…

Բնական, առանց շաքարի մածունը կարելի է անվտանգ կերպով ներառել նորածինի սննդականոնին մէջ` վեց ամսականէն

Գիտնականները եւ մանկաբոյժները յայտարարած են, որ բնական, առանց շաքարի մածունը կարելի է ապահով կեպով ներառել նորածինի մը սննդականոնին մէջ՝ սկսելով վեց ամսականէն, եւ անիկա պէտք է նկատի ունենալ որպէս լրացուցիչ սնուցման անբաժանելի մաս, այլ ոչ թէ որպէս «վիճելի» մթերք։ Այս եզրակացութեան յանգած է մասնագէտներու միջազգային խումբ մը, որ ակնարկ մը հրապարակած է Archivos Argentinos de…

Ամերիկեան սրտաբանական ընկերակցութեան 9 սննդային կանոնները՝ առողջ սրտի համար

Ամերիկեան սրտաբանական ընկերակցութիւնը (AHA) նոր սննդային յանձնարարականներ հրապարակած է, որոնք նպատակ ունին նուազեցնելու սիրտ-անօթային հիւանդութիւններու վտանգը եւ պահպանելու սրտի առողջութիւնը ամբողջ կեանքի ընթացքին, հաղորդած է News Medical-ը»։ Մասնագէտները կ՛ընդգծեն, որ սրտի առողջութիւնը չի կառուցուիր նորաձեւ սննդականոններու վրայ, այլ՝ հետեւողական, ամէնօրեայ սննդային սովորութիւններու եւ ապրելակերպի ընտրութիւններու վրայ։ Գլխաւոր սկզբունքն է պահպանել բարենպաստ կշիռք՝ «քալորի»-ներու ստացումը հաւասարակշռելով…

Մարդոց օրկանիզմին մէջ ժահրերու մեծ մասը կը մնայ «քնացած» վիճակի մէջ

Նոյնիսկ ամբողջովին առողջ անհատներ իրենց օրկանիզմին մէջ անընդհատ կը կրեն ժահրեր՝ յաճախ զգալի քանակներով։ Այս եզրակացութիւնը հիմնուած է ուսումնասիրութեան մը վրայ, որ վերլուծած է մօտաւորապէս մէկ միլիոն մարդու տուեալները։ Արդիւնքները հրապարակուած են Nature գիտական ամսագրին մէջ։ Հետազօտութիւնը կատարուած է Harvard Medical School-ի գիտնականներու գլխաւորած խումբը։ Անոնք վերլուծած են աւելի քան 917,000 մարդու արիւնի եւ թուքէն…

Կրծքագեղձի քաղցկեղը «կ՛իւրացնէ» թոքերու վերականգնման մեքանիզմները՝ մեթասթազներու աճը խթանելու համար

Cancer Research Communications բժշկագիտական ամսագրին մէջ հրապարակուած նոր հետազօտութիւն մը ցոյց տուած է, որ կրծքագեղձի քաղցկեղի բջիջները կրնան օգտագործել թոքերու բնական վերականգնման «մեքանիզմ»-ները՝ իրենց սեփական աճին եւ տարածման համար: Հետազօտողները յայտնաբերած են, որ երբ դէպի թոքեր կը «մեթասթազաւորեն», ուռուցքային բջիջները կ՚աշխուժացնեն մարմնին վնասման պատասխանող բնական գործընթացները, սակայն յետոյ փաստօրէն «կ՛իւրացնեն» զանոնք։ Երբ քաղցկեղը կը տարածուի…

Հումուսի թաքուն օգտակարութիւնները․ համեղ միջոց մը՝ քոլեսթերոլը նուազեցնելու եւ կշիռքի կորուստին աջակցելու

Հումուսը սպիտակուցի, մանրաթելի եւ երկաթի լաւ աղբիւր մըն է՝ մասամբ «թահին»-ի շնորհիւ։ Ոչ ոք յստակ գիտէ, թէ ով ստեղծած է «հումուս»-ը (ուտելիք՝ գլխաւոր բաղադրիչը սիսեռի «բիւրէ»-ն)։ Լիբանանէն մինչեւ Եգիպտոս եւ Սուրիայէն մինչեւ Թուրքիա՝ Միջին Արեւելքի բազմաթիւ երկիրներ կը յաւակնին այս ուտելիքին, որուն մասին յիշատակութիւններ կան 13-րդ դարէն, կը գրէ Daily Mail-ը։ Հակառակ «հումուս»-ի համբաւին իբրեւ…

Մանկութեան սթրեսը կրնայ պատճառ դառնալ չափահաս տարիքին մարսողական խնդիրներու

Գիտնականներու միջազգային խումբ մը ցոյց տուած է, որ կեանքի կանուխ փուլին սթրեսը կրնայ բարձրացնել ստամոքս-աղիքային հիւանդութիւններու յառաջացման վտանգը հետագային։ Աղիքներու գործառոյթի եւ «սիմփաթիք» (sympathetic) նեարդային համակարգի (Սիմփաթիք նեարդային համակարգը ինքնավար նեարդային համակարգի այն մասն է, որ կը պատրաստէ մարմինը լարուածութեան եւ վտանգի արձագանգելու) փոփոխութիւնները կարեւոր դեր կը խաղան։ Հետազօտութիւնը հրապարակուած է Gastroenterology (GE) բժշկագիտական ամսագրին…

Բջիջները «երիտասարդացնող» դեղը առաջին անգամ ըլլալով պիտի փորձարկուի մարդոց վրայ

Բջիջները աւելի երիտասարդ վիճակի վերադարձնելու գաղափարը այլեւս գիտական «ֆանթասթիք» չէ (science fiction). ամերիկեան Life Biosciences ընկերութիւնը արտօնութիւն ստացած է՝ ER-100 դեղին առաջին մարդկային «քլինիքային» փորձարկումները կատարելու համար։ Բուժումը հիմնուած է մասնակի «էփիճենեթիք» (epigenetic – ծիներու գործունէութիւնը կարգաւորող` ծիներու միացման եւ անջատման հետ կապուած) վերածրագրաւորման վրայ, որ կ՛արտօնէ բջիջները «վերակազմաւորել»՝ առանց զանոնք ցօղունային բջիջներու վերածելու։ Ժամանակակից…

Թերագնահատուած օրկան. գիտնականները կը բացատրեն կուրաղիքի հնարաւոր դերը դիմադրողականութեան մէջ

Նոր հետազօտութիւն մը ցոյց կու տայ, որ մարդու կուրաղիքը, որ երկար ժամանակ նկատուած է իբրեւ անօգուտ «եղաշրջումի մնացորդ», կրնայ կարեւոր դեր ունենալ մարմինին մէջ, հաղորդած է The Conversation-ը։ Գիտնականները բացայայտած են, որ կուրաղիքին նման կառուցուածք մը անկախաբար զարգացած է կաթնասուններու 361 տեսակներու մօտ առնուազն 32 անգամ։ Կենսաբանութեան մէջ այս կրկնուող երեւոյթը կը կոչուի «քոնվերկենթ եղաշրջում» (convergent…

Եղանակային պայմանները կ՛ազդեն սրտի կաթուածի զարգացման հաւանականութեան վրայ

Եղանակային պայմաններու փոփոխութիւնները կրնան բարձրացնել սրտամկանի «ինֆարքթ»-ի (myocardial infarction – սրտամկանի հիւսուածքի մահացում) զարգացման հաւանականութիւնը։ Այս եզրակացութեան յանգած են այն հետազօտողները, որոնք մեքենայական ուսուցման մեթոտներ կիրառած են՝ վերլուծելու համար օդերեւութաբանական գործօններու եւ սրտի կաթուածներու յառաջացման յաճախականութեան միջեւ կապը։ Հետազօտութեան արդիւնքները հրապարակուած են Frontiers in Cardiovascular Medicine գիտական ամսագրին մէջ։ Գիտնականները ուսումնասիրած են սրտի կաթուած ունեցող…